Konsert med Hordaland Ungdomskorps og Hordaland Ungdomsbrassband

HUK er region- og representasjonskorpset til Norges Musikkorps Forbund Hordaland. Korpset består av 48 skulekorpsmusikanter frå heile Hordaland, i alderen 14-19 år. Dirigent: Tanja Carita Ikonen.

Konserten blir halden saman med HUBB, som er eit samlingskorps for skulekorpsungdom over 13 år. Korpset er drive av Eikanger-Bjørsvik Musikklag og dirigent er Ben Hirons.

Korpsa samlast fire gonger i året, og kvar samling vert avslutta med ein konsert, der musikarane får vise fram det dei har arbeidd med. Og du er hjarteleg invitert!

Konserten er gratis.